LUUD GORISSEN

Iech bin Luud Gorissen, gebore (1954) en opgegreujt aon de rand vaan ut centrum vaan Mestreech. Foto’s oontwikkele en aofdrökke, analoog, höb iech gedoon op de hobbyclub, Mavo sjaol en in Militairen deens. Sinds u paar jaor weer actief, méh daan digitaal. Iech höb veur de hobby foto cursussen gevolleg in Belsj, in Voeren en Maosmechelen. Iech vin ut experimentere met versjellende technieke interessant (3d, HDR, timelapse, Cross Polarisatie) of u bepaold thema. De basis vaan de foto moot good zien, bewérking achteraof, minimaal mét software. Creatief oontspanne bezig zien, dao geit ut um. Daoneve maak iech nog meziek (basgitaar) en kloomel en rij get met en aon brommers.

Iech vin ut erreg good tot ouch aandere fotografe bezig um Mestreech in al zien facette digitaal vas te legke, zoe wie aander fotografe dat jaore geleije al, analoog, höbbe gedoon. Op dees meneer weurt de historie vaan Mestreech levendig en ziechbaar gehawwe en zien veer Mesrteech mét dun tied verandere. Beter of neet, dat maag eederein veur ziechzellevers oetmake.